З месным краяведам Мікалаем Быхаўцавым наведалі вёску Жорнаўка, дзе ён зрабіў запіс успамінаў мясцовых жыхароў, а я пару здымкаў.


Гістарычная даведка:

Жорнаўка, вёска ў Ваўкавыскім р-не ў Ізабелінскім с/с. Вядома з 1615 г., пражывала 29 сем’яў, мелі 22 валокі зямлі, 15 каней і 47 валоў. Згодна інвентара 1615 г. належала да маёнтка Петухова (цяпер Ізабелін). Мелась карчма, якую арэндаваў жыд. З 18-га стагоддзя па 1850-е гады належыла графам Грабаўскім, уладальнікам мястэчка Ізабелін.

З 1861 г. у Ізабелінскай воласці. У 1905 г. дзве вёскі адна побач другой, 140 і 75 жыхароў. У 1914 г. вёскі зліліся ў адну, 33 дамоў, у якіх пражывалі 75 мужчын і 104 жанчын. У 1921 г. 29 двароў, 133 жыхароў. У 1930 г. 38 двароў.

На 1.01.2004 г. 30 двароў, 50 жыхароў.

На люты 2011 г. 8 заселяных дамоў, у якіх жывуць каля 10 чалавек.